【Now財經台】新加坡海峽時報指數7月開局衝破4000關，創歷史新高，今年以來總回報跑贏標普500指數近10個百分點，點睇新加坡股市投資價值？現時值唔值得入場？
資深經濟師羅家聰指，新加坡近年優勢係經濟重心南移，另一個優勢就同股市結構有關，指數中有唔少金融股，而金融股走勢貼近外圍，並由美股主導，美國金融股走勢會透過新加坡金融股，影響新加坡指數，加上星美股市走勢相似，所以新加坡股市會跟住美股走。
KC又話，美股再破頂，依家估值已經偏貴，好難再睇高，加上美國經濟放緩，美股喺高位開始乏力，估計新加坡指數未來會跟美股行。
