【Now財經台】本港上半年新股市場十分熾熱，其中，巨無霸寧德時代(03750)更成為全球新股「集資王」，點睇下半年新股市場？新股會集中喺邊啲板塊？
德勤中國資本市場服務部華南區主管合夥人呂志宏指，承接去年第4季嘅氣氛，港股持續暢旺，今年第2季亦有大型新股上市集資，例如寧德時代，預期下半年有80隻新股上市，估計當中會有集資逾10億美元，折合約78億港元嘅公司。
佢又話，新股今年上半年集資額係過去10年以來第2多，佔全球集資額25%，相信未來嚟香港上市嘅股份，會集中消費、醫療呢類新經濟板塊，加上港股市盈率(PE)上返13倍，投資者自然會搵估值吸引嘅股票買。
