【now.com財經】噚日揀咗隻恒指牛(66765)出嚟，喺上半場以平均買入價0.0645元落場；喺上半場尾段時間，指數有見失守五分鐘圖10線，若然當時已經走咗嘅話，應該都幾揼心，隨時喺下半場重新再入多次(66765)。
如果隻(66765)過埋夜嘅話，咁今朝見指數再裂口升多150幾點應該已經開餬。而依家9點43分，見指數暫時最高做過24,390點，但由於24,300至24,399點呢層熊證裡面，最大收回價係24,388點，所以呢一層嘅熊證其實已經被全數收回，換言之指數今朝開市先用咗兩層熊證做早餐，有相當於532張期指街貨。
再向上掃上去，熊證重貨區24,500至24,599點向下落到成為第二層熊證街貨。假如今日指數再向上，變相指數挑戰6月11日高位24,339點；成功嘅話，下一站就係挑戰今年高位24,874點。
唔好諗咁遠先，依家連10點都未到，恒指已經第二次爬上2442X點，的確有驚指數唔過呢個位就隨時借小時圖Slow STC(14.3)超買向下落，咁嘅情況就係出反手淡倉。
恒指熊(59422)，收回價24,700點，同現價有約314點距離，近架，所以Day Trade咋，槓桿51.8倍，爬格仔亦都啱用，博五分鐘圖Slow STC(14.3)見觸頂向下Swing一趟又得，依家10點3分，到時再睇小時圖見唔見觸頂向下落而借小時圖出一趟亦得，不過小心嘅係依家無啦啦打24,400點攻防戰，穩陣嘅有比較多少少轉向下嘅訊號出現先至出注。
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon七日免費試用即市作戰教室://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
