【Now財經台】3隻新股今日(23日)硬撼，齊齊首掛，股價個別發展，其中，以Tesla供應商三花智控(02050)表現最差，股價幾乎一「潛」到尾，好彩尾市發力，成功上返水面，三花首掛表現對新股市場有咩啟示？
《香港股票財技密碼》作者梁杰文指，幾隻新股表現分化，股價有得升嘅集資額比較細，集資額大就「潛水」，佢建議普通散戶都唔好再入場，因為炒新股熱潮已過咗高峰，與其不停「內捲」倒不如搵吓其他機會。
此外，蘋果公司(Apple Inc)供應鏈之一嘅藍思科技，已通過上市聆訊，計劃嚟香港發H股，Apple股價都上返200美元，呢隻新股又抽唔抽得過？
Mike就話，藍思科技係Apple供應鏈之一，唔可以忽略箇中潛在風險，建議留意中美關係變化，再作考慮。
