【Now財經台】華虹半導體(01347)股價今日(20日)輕微高開後，一度升逾7%，高見34.6元。華虹第1季毛利率升至9.2%，睇返第2季指引，毛利率介乎約7%至9%，明顯低過上季，係咪反映集團唔睇好旺季加價能力？華虹股價近期升得唔錯，後市可唔可以keep到呢浸升勢？
紅蟻資本投資總監李澤銘指，華虹指引比較保守，但投資者就睇得比較樂觀，如果芯片供應充足，加價有一定難度，雖然今年趨勢未見出現好大變化，但海外需求有向下壓力，手機銷售年初仍錄得輕微增長，但增長動力喺4月開始減弱。
Alan又話，要留意華虹基本因素變化，股價之前下跌就係消化緊第2季指引較保守呢個因素，除非下游需求明顯復甦，否則，華虹股價只係技術性反彈。
