【now.com財經】噚日揀咗隻恒指熊(58498)出嚟，出場都係等小時圖Slow STC(14.3)見觸頂向下後先出場。
其實喺噚日出【輪證下半Part】都已經見到個個小時圖Slow STC(14.3)見觸頂，如以出文後10分鐘睇文先至掟隻(58498)出去嘅話，期內(58498)高低位做過0.056元/0.054元，平均買入價為0.055元。
呢一注係借小時圖Slow STC(14.3)見觸頂而出嘅，同步靠小時圖10/20線借嚟做上方量度線，唔知你呢一注有無過夜，但至少喺噚日收市前，都無見Slow STC(14.3)反方向走，同埋指數完全企返喺 小時圖嘅10/20線之上。
呢一注喺噚日落場之後見好就收，點都有正數，皆因由噚日落場時間起計至噚日收市前，證價最低個位就買入時段；但如果你塒貨至今日嘅話，依家10點12分指數今早低開後再向下落，目前跌幅已擴大至跌284點，報23,696點，直奔23,600至23,699點嘅重貨牛。
如果你噚日隻(58498)仍然在手的話，繼續留意住個小時圖，目前指數向下開始過100線，Slow STC(14.3)兩線亦指住超賣位，保歷加通道有見拓闊，即比位指數向下再行，咁可以同作戰室一齊睇住再落多一級嘅150線先。
但如果今日先再嚟追嘅話...再追落唔係唔得但要知道水位未必好多。恒指熊(62838)，收回價24,200點，比噚日嘅(58498)近啲，同現價有約410點距離，槓桿有約42.4倍，槓桿夠做Day Trade兼低街貨。
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon七日免費試用即市作戰教室://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
