【Now財經台】市傳阿布扎比國家石油公司(ADNOC)，有意收購英國石油(BP)部分資產，之前，之前亦傳出蜆殼(Shell)、埃克森美孚(Exxon Mobil)都有意加入。呢單併購消息對於其他上市石油公司嚟講，會唔會成為股價催化劑？若睇好油價，買油交易所買賣基金(ETF)定係油公司比較好？
Solomons Group 亞太區投資及ESG總監黃耀宗指，油價與油企之間存在重要關聯，因為佢哋有時間落差，令環球油企嘅股價都滯後於油價回落，尤其係上游油企，因此，石油相關ETF更適合短線部署。
Andy又話，唔建議投資者短線炒油股嘅估值修復，因為油企嘅表現要根據業績嚟評估，以中國海洋石油(00883)、Shell等石油公司為例，整體表現要等1至2季之後，基數效應先會帶動呢啲股份見底回升嘅格局。
