【Now財經台】醫藥股今早(12日)造好，其中，石藥集團(01093)股價輕微低開後，反覆向上，一度升2.8%，高見9.08元。早前，集團1款腫瘤藥獲准喺美國進行臨床試驗，好倉最少連續5日有資金流入，合共有1560萬元坐貨，係資金流入第4大個股，但石藥股價已升咗唔少，好友應該繼續追還是食糊先？
中信證券國際股權衍生品銷售經理李佳原指，藥股板塊今年表現唔錯，年初表現一般嘅石藥，股價喺5月開始發力追落後，近期輪證資金流都係希望追到落後，部署好倉方面亦較積極。
Sam建議揀較遠價產品，保持高槓桿，輪價細嘅產品亦不妨留意，石藥CALL輪選擇中，行使價最高約18元，呢類產品表現亦較活躍。
