【Now財經台】中國高速傳動(00658)股價今早(11日)高開近2%，中午前升幅持續擴大，一度勁升逾46%，高見1.48元，衝上8個月高位，更打入港股升幅榜首位，成交股數較過去100日平均激增62倍。
集團受「拖數」問題拖累，被拖欠金額逾66億人仔，更由「蚊股」慘變「毫子股」，中國高速傳動已啟動獨立調查，預期月底開始編製中期調查報告，同埋完成第三方資料收集。
睇返技術走勢，今日即市高位1.48元，其實係逾1年以嚟嘅重大阻力，調查報告初稿要7月底之後才有機會完成，嗰66億人仔欠款追唔追得返都係未知之數，喺追收欠款未有「著落」前，宜繼續保持觀望。
