【Now財經台】寧德時代(03750)股價連跌3日後，今早(11日)輕微高開，開市即重上300元關口，其後升幅擴大，成功收復10天線，一度升3.4%，高見309.8元。寧德時代股價之前反覆向下，今朝多唔多好友趁反彈食糊？市場上有一批熱門CALL，槓桿做到6倍至7倍，價外21%至68%，今年11月到期，係咪一個好選擇？
星展香港環球金融市場上市產品策略師鍾宛婷指，寧德時代股價一直喺300元水平橫行，好友趁今日反彈追入好倉，今日多家內地車企承諾唔拖數，市場都憧憬呢個利好消息會唔會帶動寧德時代股價造好。
Kathrin又話，較熱門嘅CALL今年11月到期，槓桿做到6倍，想博短線反彈嘅投資者，建議揀較貼價，約30%價外嘅條款。
