【Now財經台】顧問公司eMarketer預測，Meta今年廣告收益將進一步增至1838億美元，全球排第2位，但同排第1位嘅Alphabet仍有約200億美元差距，亞馬遜(Amazon)排第3位，字節跳動(ByteDance)及阿里巴巴(09988)就緊隨其後。呢幾家公司都投放大量資源喺人工智能(AI)廣告，呢幾家巨企中邊家會跑出？
易方資本副基金經理王逸研指，歐美企業跑出嘅機會較大，因為廣告嘅AI模型要經常重新train過，會消耗好多算力，而消費者嘅消費意欲經常改變，廣告AI需因應消費者嘅改變，推送唔同產品廣告。
Isaac又話，美國政府限制英偉達(Nvidia)嘅AI晶片H20出口去中國，設備因素令中芯國際(00981)產能擴張空間受限，字節跳動及阿里都想要大量由華為研發嘅昇騰(Asceng)晶片，但晶片產能非常緊張，種種因素都令歐美公司較易增加廣告收益。
