【Now財經台】藥師幫(09885)股價今日(28日)高開不足1%後，曾短暫倒跌，但之後再度發力，一度升逾18%，高見9.6元，衝上1年高位，收市報9.19元，大升逾13%，成交股數較過去100日增約5倍，全日成交金額逾2.7億元。
集團係內地最大院外醫藥產業數字化綜合平台，股價今日急升，除受惠於早前公布嘅回購計劃，亦因為公司近日喺廣州舉辦咗上市以來首場投資者活動。
藥師幫股價今年4月初跟隨大市反彈，亦趁醫藥股熾熱氣氛及股價落後，發力向上，今日再度抽升，但要留意股價已自4月低位累計反彈約70%，14天相對強弱指數(RSI)已升至72嘅超買水平，就算跟搭順風車，都要控制注碼。
