【now.com財經】今日(27日)有兩隻新股登場，其中一隻係已經喺A股上市，內地社交平台廣告投放商吉宏股份(02603)，股價半場炒高逾47%，帶挈抽中嘅幸運兒一手帳面賺超過1800元，除咗自身因素，亦可能同一個消息有關。
內地股市及港股今朝開市前，吉宏喺深交所發公告，指集團已納入港股通名單，即日生效，意味北水都可以買貨。
吉宏完勝今日齊齊掛牌嘅「減肥概念股」派格生物醫藥(02565)，雖然公開招股超購倍數、認購人數，派格都比吉宏高，但其實暗盤已率先爆冷，派格昨日(26日)「潛水」收場，反觀吉宏暗盤炒高逾20%。
