【內地「醬油王」】傳海天味業開始評估港IPO需求

【now.com財經】本港新股市場持續暢旺，排隊上市及等緊審批嘅新股不絕，而大部分新股首掛都帶挈捧場客賺錢，鍾意抽新股嘅散戶要留意，內地調味品生產商龍頭，已經喺上海證券交易所上市，現時市值超過2400億人仔嘅海天味業，上星期已成功通過聯交所上市聆訊。

據外電最新引述消息人士報道，集團已開始評估香港IPO需求，估計集資約10億美元，折合約78億港元，中金、摩根士丹利及高盛出任聯席保薦人。

集團今年首3個月純利按年增長逾14%至22億人仔，收入則按年增長逾8%。