【Now財經台】市場上周憂慮爆發美債危機，不過，美國總統特朗普(Donald Trump)上周五(23日)威脅要加歐盟50%關稅，消息刺激部分資金重新流入債市，令債息略為降溫，不過，特朗普最新宣布押後至7月9日實施，點評估債息走向？
星展銀行(香港)豐盛私人客戶執行董事鄧威信指，特朗普嘅政策有好大影響，動搖市場對美元資產嘅信心，所以有唔少國家嘅央行減持美債。
Wilson又話，美國債務問題似乎好難喺短期內解決，須用新債冚舊債，加上未來有好多國債拍賣，對債息係一大挑戰，如果拍賣情況比預期差，債息有機會抽升。佢續指，睇返依家嘅市況，債息好大機會攀升。
