【Now財經台】小米集團(01810)今日(22日)會舉行新品發布會，股價昨日(21日)升上近兩個月高位後，收市要跌，今早反覆向上，一度升1%，高見55元，好倉繼續多資金流入，熱門牛證槓桿做到6倍至8倍，距離收回價約10%，進取及防守型投資者應該點部署？
花旗上市衍生產品部副總裁麥穎儀指，小米今晚會發布新車及手機等，市場都好期待，見到資金都連日炒作。此外，國新辦今日下午召開嘅新聞發布會或會提及科技金融政策，有機會利好小米，所以唔少資金都積極開好倉。
牛證方面，Jenny指，小米市場換股比率有100對1、500對1，前者銀碼相對較細，而100對1嘅產品，如果想喺接近收市時，用相對貼價、較少資金嘅產品，博今晚小米新品發布會或國新辦新聞發布會，可留意...
