【Now財經台】美國稅改法案有進展，令美元資產再出現波動，法案一旦獲通過，美國政府債務會進一步增加，令市場對美國財赤嘅憂慮加劇，美國10年期債息升穿4.6厘，美匯指數就跌穿100關，美股3大指數昨晚(21日)全線向下，道指收市瀉逾800點，標指及納指亦跌逾1%，喺市況波動下，投資者應該點部署？
智安投高級財富顧問何展峰指，美國總統特朗普(Donald Trump)嘅政策好難預測，估計中美貿易談判需時1年先會有實際進展，因此，喺呢個情況下，如果一般投資者對市場新消息敏感度唔高，建議做長線部署較穩妥。
Edwin提醒，遇上短期波幅毋須心急，睇返過去55年嘅數據，美股整體都係升多跌少，雖然見到平均每2年都會跌10%，但長線仍然睇好，累積回報高，唔需要太執著入市或者離場嘅時機，繼續長揸就可以。
