【Now財經台】騰訊控股(00700)昨日(14日)出咗業績，首季經調整盈利按年增長22%，勝預期，不過，股價今早(15日)高開後，走勢反覆，一度跌近1%，低見516元，如果想部署CALL輪，揀短身還是長身？
中信證券國際股權衍生品銷售經理李碧珊指，騰訊業績後股價走勢反覆，由於已掃除不明朗因素，引伸波幅回落，喺業績前部署咗較長身嘅CALL，依家可以考慮換馬，短線可以進取少少，揀價外20%，7月至9月到期，槓桿8倍至10倍。
佢又提醒，騰訊明日(16日)除淨，所以牛證唔好揀得太貼價，以免增加收回風險。
