【Now財經台】美股今年跑輸主要市場，啱啱先收復今年失地，其實美股過去2年係咪升得太多，依家先去返一個相對正常嘅水平？未來繼續向上突破嘅空間大唔大？
以立投資管理董事總經理兼投資總監林少陽表示，美股大部分科網公司業績算交足功課，甚至超出市場預期，今年跑輸嘅原因係過去2年已累升逾50%，有個別股份更升1倍，甚至2倍，市場估值遠超依家盈利可以支撐嘅水平。佢認為，即使依家已反彈至接近今年高位，但由於估值過高或會進一步增加獲利回套壓力。
Vincent又話，雖然關稅戰降溫，稅率大幅下調及暫緩，但仍較開戰前高，令美國人嘅生活成本開支上升，對整體消費力構成負面影響。佢提醒，企業第1季業績仍未反映相關因素，估計企業盈利喺今年餘下季度將會向下修正，並預期美股今年埋單會繼續跑輸全球主要指數。
