【Now財經台】中國信通院公布今年首季全球手機出貨量為約3.05億部，按年增長1.5%，其中，三星電子(Samsung Electronics)排名第1，市佔率19.9%。此外，蘋果公司(Apple Inc.)及小米集團(01810)都預告咗今年會出新手機，係咪對今年手機出貨量有好大提振作用？
易方資本投資總監王華認為，其實總體提振作用唔大，加上會出現洗牌跡象，尤其係人工智能(AI)晶片需求大，但內地受設備限制，導致產能不足，變相AI伺服器會佔用好多產能，喺呢個情況下，公司需要決定做多啲AI晶片，還是將高端製程分派落手機，佢相信大部分公司都會選擇後者，所以對手機出貨量提振作用唔大。
