【Now財經台】美國4月消費物價指數(CPI)按年升2.3%，低過預期，亦係2021年2月以來最低水平，扣除食品及能源嘅核心CPI就按年升2.8%，符合預期，按月升0.2%，遜預期，核心CPI已連續3個月低過預期，美國總統特朗普(Donald Trump)多次呼籲聯儲局減息，但主席鮑威爾(Jerome Powell)繼續企硬，再被特朗普批評，睇返美國最新通脹情況，聯儲局今年會減幾多次息？
奧陸資本首席投資官蔡金強指，美國4月核心CPI按年升2.8%，雖然低過市場預期，但聯儲局通脹目標係2%，所以最新出爐嘅核心CPI都算高。
Oscar又指，美國核心CPI或個人消費開支(PCE)物價指數將長期維持喺2.5%或以上水平，加上聯儲局指關税戰影響仍未浮現，估計美國會喺今年較後時間減息，並預期年內只減息1至2次。
