【Now財經台】中美關稅戰進入90日「休戰期」，刺激港美原本受關稅衝擊嘅股份大反彈，包括蘋果公司(Apple Inc.)及亞馬遜(Amazon)等，依家係咪時候反手追入呢類風險降低嘅「關稅風眼股」？還是繼續揸住受關稅戰影響較細嘅股份？
資深投資者莫家強建議投資者可以揀受關稅影響較細嘅板塊，例如美國保險股及網絡安全股，呢啲股份之前下跌主要係大市陷入亂局，但依家部分已上返高位，甚至破頂，所以揀呢啲板塊風險會較細。
短線部署方面，雖然中美互相大幅下調關稅嘅消息，帶動唔少股份向上，但Alex認為喺依家嘅升市下，好難判斷邊隻係好股，建議等多幾日，睇下股份回套後可唔可以企得穩，先再做判斷。
