【Now財經台】美團(03690)股價今早(12日)一度升近3%，高見145.1元，曾短暫收復250天線，但之後升幅收窄，若憧憬美團可進一步突破250天線，想部署好倉，選擇牛證或CALL輪時有咩要留意？
滙豐亞太區財富管理香港上市產品銷售經理盧貴良指，若投資者想喺中美談判後追落後，美團係其中1隻較落後嘅股份，資金今朝一面倒流入好倉，行使價約178元嘅CALL輪條款較受歡迎，如果8月到期，槓桿有6.5倍。
牛證方面，佢指出，可以考慮選擇收回價124元，即今輪跌浪嘅底部，如果8月到期嘅條款，槓桿都做到6.5倍。
