【Now財經台】巨無霸新股，內地電動車電池製造商寧德時代(03750)今日(12日)開始招股，入場費26565元，計劃發行1.18億股H股，若以發售價上限263元計，較A股上日收市價僅折讓2%，集資逾300億元。值得留意係，集團決定以美國證券法「S規例」方式發售，即係只有美國境外投資者可以參與。資金近排持續流入本港，令港元轉強、拆息向下，相信同呢隻巨無霸有關，寧德時代係咪好值得期待？
星展銀行(香港)豐盛私人客戶執行董事鄧威信指，相信寧德時代招股反應會十分熱烈，因為公司係行業龍頭，加上發展快、規模大，會吸引大量資金認購，超額認購應該冇懸念。佢又話，港元需求短期仍會增加，加上企業派息等其他因素，短期會繼續支持港元強勢。
不過，Wilson提醒，新股掛牌表現好視乎短期市場氣氛，如果...
