【Now財經台】截至4月30日止當周，美股錄得89億美元淨流出，美債及黃金亦錄得60億美元淨流出，呢啲資金流向數據有咩啟示？呢啲趨勢會唔會持續？
資深經濟師羅家聰表示，資金流向趨勢主要反映美股4月市況波動，5月數字已慢慢修正返，加上美國總統特朗普(Donald Trump)口風有變，同唔同國家都有得傾，紓緩市場對美國經濟衰退嘅憂慮。
KC又話，投資者之前可能對美國通脹過分憧憬，當時債市升、金價、比特幣(Bitcoin)都話處於牛市，但依家市場開始睇淡，因為認為經濟唔會好似4月上旬咁，因關稅戰而受到好大影響，佢建議睇埋之後嘅新經濟方向再做判斷。
