【Now財經台】山東墨龍(00568)A股喺4月30日停牌，今早(6日)A股長假後復市，股份亦復牌，宣布撤銷風險警示後即漲停板，資金轉戰H股，刺激股價一度飆近60%，高見2.75元，成交股數較過去100日同時段平均激增逾300倍，成交金額罕有逾1億元。
山東墨龍A股去年4月起成風險警示深股(ST股)，H股應聲大跌，大裂口跌約40%，之後股價都喺1元樓下上落。今日正式獲撤銷ST警示，兼獲納入深港通，北水可以買先至推高到股價。
不過，依家全球經濟前景唔明朗，石油石化行業都受影響，公司去年要蝕錢，但今年首季賺500萬人仔，留意「甩ST」後市場或大行點評價山東墨龍嘅前景。
