【Now財經台】截至早上11時止，過去1小時內《彭博》用戶搜尋量最多港股，依次為中遠海控(01919)、小米集團(01810)、冠君產業信託(02778)、泡泡瑪特(09992)、紫金礦業(02899)。
自4月以嚟，由中國駛往美國的貨櫃集裝箱數量大跌，運費亦持續向下，嚴重打擊航運股，但近日市場憧憬中美將會展開談判，航運股中遠海控股價今早(2日)高開1%後，升幅一度擴大至逾7%，高見12.62元，後市會點走？
大華繼顯執行董事梁偉源指，即使未知係邊個做主導或要傾幾耐，但拖咗1個月談判終於現曙光，已經係一個好好嘅訊號，令市場氣氛變得樂觀。佢又認為，可以直接受惠一定係航運及港口設施相關股份，所以中遠海控今日升得多，仲創埋1個月新高。
不過，Steven提醒，因為依家未知中美幾時展開談判，佢又相信，短期內都唔可能傾掂數，認為雙方都會反覆拖慢進度，因此，佢認為中遠海控今日補返下跌裂口後，未必可以繼續升上去。
