【Now財經台】雖然Tesla早前交咗一份「災難季績」，但微軟(Microsoft)、Meta、蘋果公司(Apple Inc.)及亞馬遜(Amazon)昨晚就交出亮麗季績。不過，現時左右股價表現係企業今季嘅展望，喺關稅戰陰霾下，美股「科技7雄」(Magnificent 7)可唔可避過關稅衝擊？
博威環球證券金融首席分析師聶振邦指，由於Tesla及Apple有實體產品，Amazon會引入中國貨品，所以受關稅嘅影響較大。至於Meta及Google，預期貿易戰會影響廣告收入，但實際情況仍要視乎正隱約推進緊嘅中美談判進展。
聶Sir補充，就算中美達成關稅協議，但內地消費者未來或傾向買國貨，減少用美國貨，到時就會影響Apple及Tesla業務。不過，雖然Apple主要收入來自iPhone，但服務收入增長快，所以Apple未來應該繼續聚焦服務方面，以減低關稅戰風險。
