【Now財經台】避險貨幣日圓係今日(25日)跌幅最大嘅二十國集團(G10)貨幣，雖然今早公布嘅4月東京消費物價指數(CPI)，通脹及核心通脹率都高過預期，有望支持日本央行加息，不過，市場焦點仍然係憧憬貿易談判有進展，日圓依家喺140水平，係咪已經見咗短期阻力？
ATFX亞太區首席分析師林銘添指，環球貿易談判開始轉趨樂觀，令避險情緒降溫，日圓基本上已喺140至141水平喘定，樂觀情緒反映市場拆倉拆過龍，所以日圓上返144至145係好正常，若貿易談判進一步樂觀，日圓有機會見147水平。Martin又話，由於東京CPI水平高，日央行有機會喺8月加息，佢認為，140至141水平可視為短線目標。
