【Now財經台】天齊鋰業(09696)發盈喜，股價今日(24日)逆市造好，預告第1季轉賺最多1.23億人仔。不過，盈喜亦提及鋰產品價格仲跌緊，天齊係咪真係咁好景？
耀才證券研究部總監植耀輝指，鋰板塊表現差已持續一段時間，鋰價跌主要受產能過剩影響，市場亦冇憧憬價格會反彈。佢又話，天齊業績有改善似乎唔係受行業好轉帶動，應該同公司自身因素有關。
Stanley續指，如果扣除非經常性損益，實際淨利潤增長其實非常小，所以即使第1季業績有改善，但整體表現都唔算理想。
Stanley續稱，雖然行業現時整體情況確實有好轉，但仍講唔上好樂觀。
