【Now財經台】開明投資(00768)股價今日(24日)大幅高開逾1倍後，升幅一度擴大至逾2.5倍，高見0.1元，其後升幅收窄，成交股數較過去100日平均激增2000倍。
集團昨晚(23日)公布，大股東鄭氏家族向第2大股東買入股權，持股量由26%升至近42%，觸發強制全面要約，要約價0.03元，較昨日收市價有逾7%溢價，若大股東要收晒餘下58%公眾持股，總代價逾2200萬元。
開明投資今日即市高位，較要約價高逾2倍，如果今次係技術性全購，當一般私有化咁炒，投資者要小心炒錯。此外，大股東鄭啟明講明會維持上市地位，意味佢無意收返公司。
值得留意係，鄭啟明曾經喺去年4月曾強制全面要約超智能控股(01402)，最終只有0.2%公眾股東支持，雖然復牌當日爆炒，但收市時升幅縮至僅37%，投資者要小心開明投資會歷史重演。
