【Now財經台】大同集團(00544)股價今早(22日)高開逾13%後，升幅一度擴大至1.4倍，高見0.144元，由仙股升呢變毫子股，成交股數激增，較過去100日平均激增逾千倍，暫時成交金額約380萬元。
大同昨晚(21日)宣布，將會發新股及可轉股債(CB)予3名認購人，三方認購新股及CB數量、金額相同。
睇返技術走勢，值得留意係，今次CB行使價冇溢價，同新股發行價一樣係0.04801元，折讓近20%，但須獲股東特別大會通過，若股價喺股東特別大會後企得穩現水平，認購人就即換即賺，不過，股價今日衝高後升幅收窄，暫時喺100天線水平，後續要留意股東特別大會召開日期，以及CB持有人幾時有進一步動作。
