【Now財經台】美團(03690)及京東集團(09618)外賣大戰升級，股價今日(22日)齊齊插水，暫時係表現最差兩隻藍籌，呢場外賣大戰似乎唔太可能喺短期內「停火」，投資者應該點做部署？依家係咪可以開好倉博反彈？
胤源世創家族辦公室(香港)第一副總裁黃偉豪指，暫時唔建議博反彈，雖然港股走勢較外圍穩定，但唔算強勢。個股方面，京東及美團負面消息較多，包括外賣競爭加劇，股價突然出現大反彈嘅可能性唔大。
Ravi又話，美團走勢較弱，股價今日跌穿4月初低位，變相延伸下跌趨勢，投資者短線可以考慮追美團淡倉，若正股出現反彈，止蝕位可以擺136元水平。
