【now.com財經】本身加關稅單嘢都已經開始加到麻目；但放完四日復活節期返嚟第一個消息就係特朗普可能會炒鮑爺，搞到美股隔晚又冧過。或者呢個世界有樣嘢比吸財更加恐怖，就係報仇。老爸講得啱，果然錢解決唔到嘅問題先至係問題。
不過，睇返上個星期四(4月17日)喺【輪證下半Part】執咗隻SPDR金ETF(02840)嘅好倉出嚟，如果Hold過假期返嚟嘅話，理得佢哋有不共戴天之仇，(02840)今日開市升66元或2.77%，報2,445元。若然係打算借金嚟避開市場嘅恐慌情緒的話，索性直接入(02840)都不為過。
依家9點52分，港股果然無跟美股冧，maybe你嘅家事我都無謂理，反正都理唔掂。而恆指今朝低開後高走一度著綠燈後，到依家重新向下再落，作戰室好淡兩邊都已經爬完啦，依家等緊小時圖10點後佢仲企唔企得住條上個星期到依家嘅中軸線。
10點後有見小時圖低走於10/20線，只係向下落嘅速度都比較慢，不過小注試小時圖確認低走10/20線而出恒指熊(63967)，收回價21700點，同現價有約407點，槓桿有約29.2倍，低街貨係睇中佢嘅賣點，出場時留意五分鐘圖嘅走勢，即使用小時圖借返10/20線做上方量度線，但都睇住五分鐘圖Slow STC(14.3)落到超賣位出觸底上嘅話，咁反過來就要等等指數上到啲線位見阻力，或者用返平時嘅Swing Trade嚟玩一趟好啦。
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon七日免費試用即市作戰教室://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
