【Now財經台】中美貿易戰持續升溫，根據白宮昨日(16日)嘅聲明，中國貨品將面臨高達245%關稅，原因係中國作出報復，中美談判仍未有重大進展，究竟關稅未來會點樣左右環球金融市場？最差嘅情況出現咗未？
花旗投資策略及資產配置主管廖嘉豪估計，雖然關稅對股市最嚴重嘅影響已經出現咗，但唔代表關稅嘅危機已過，因為關稅政策對經濟及勞動市場嘅影響仍未浮現，如果90日暫緩期之後情況冇變，美國維持對等關稅(Reciprocal Tariffs)嘅話，關稅將會拖累美國第3、4季經濟增長逾2個百分點，而環球經濟增長就會受拖累約1個百分點，所以仍然要小心關稅對整體經濟嘅拖累，建議投資者暫時要忍手。
