【Now財經台】美國豁免部分電子產品關稅，早前弱勢嘅聯想集團(00992)股價有反彈，今朝一度高見8.84元，大升10%，如果以早前低位6.5元水平計，已累計反彈約34%，但依家喺10天線有少少阻力，最新資金流係點？唔少受歡迎CALL嘅槓桿做到約5至6倍。
中信證券國際股權衍生品銷售經理李佳原指，聯想輪場資金唔係好活躍，如果直接受關稅消息影響，同埋大行即時更新目標價，蘋果(Apple)概念股資金流會更多，其實聯想上星期嘅資金流都唔多，另一方面，聯想短年期產品牌面上槓桿好似幾高，但有引伸波幅波動及買賣差價問題，投資者都要留意。
