【Now財經台】一脈陽光(02522)今日(9日)股價先低後高，低開不足1%，好快轉升，最多升14%，高見25.7元，但收市升幅收窄至2%報22.85元，成交也有3.4億元。
最近環球貿易陷入混戰，市場恐慌情緒主導下，資金一係離場，一係搵啲相對風險較低的板塊，專做本土醫療影像服務的一脈陽光都有資金注意。
公司去年6月才上市，去年全年盈轉虧蝕四千幾萬元，不過公司話隨著國家利好政策，行業將會進入結構性復甦。
不過股價走勢麻麻，去年底上市前期投資者半年禁售期滿後，股價即急挫。今年2月底獲納入恒生綜合指數成分股，資金反而趁好消息出貨，到上月中左右正式獲納入港股通，北水加持下亦未能支持股價。要留意今年6月，另一啲前期投資者禁售期也會屆滿，股價到時隨時又見波動，而且當貿易戰風險緩和，資金或會面對較大壓力。
