【now.com財經】上個星期四同五(4月3日及4日)，受關稅政策影響，美國兩日加埋都跌成3000幾點；今朝亞股接力，日經已經跌緊8%，南韓、澳洲呢啲好日都唔望嘅股市都令到你要望多幾眼；同步道指期貨在亞洲時段再跌逾1300點，我相信你手機上嘅報價版面呈現住「海天一色似赤火」，但放心，因為烈焰中不只妳同我。
依家仲有3分鐘恒指先完U盤，但見住個期貨由跌緊1800幾點去到依家見跌2100幾點，有淡貨在手嘅應該都係等開市後收錢啦；無貨嘅又應該點玩呢?!
其實今日嘅市真心精彩，恒指開市先跌2119點，報20730點之後，及至開市5分鐘後指數向下再落穿埋20700點之後，平時睇開嘅牛熊證街貨圖(每層以100點計)嘅牛證區灰晒，而指數卻向下再掃，要縮到每層以200點計先至睇得到啲街貨，但都已經唔係得返好多，猶如炸豬扒甩出嚟嗰舊邊邊嘅炸粉。
雖然係咁，不過作戰室今日即市部署係出好倉，一完U見到個咁嘅開市點數，已經將隻牛證嘅收回退到去20000點以下，10點未到大家都已經先食一輪。
今日睇圖其實睇嚟都真係無乜用，咁大個裂口劈過去...出好倉純博佢over react多於乜。
10點後小時圖上見指數出咗個「陀螺」，恒指牛(68999)，收回價有約20088點，同現價有約576點距離，企遠啲安全啲，槓桿有約28.3倍。
小心嘅係小時圖上見Slow STC(14.3)兩線仍然保持向下，同時保歷加通道口亦拓闊中，Slow STC(14.3)兩線亦有機會出超賣再超賣。
作者阿珊，以技術分析專心玩輪證，唔貪心，努力賺取我家肥貓罐罐。
想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
