【Now財經台】李寧(02331)交咗一份唔係咁靚嘅業績後，股價爆冷逆市有得升，去年少賺5%之餘，庫存銷售比率都高咗，點樣股價仍有得升？庫存問題對李寧影響有幾大？
王道資本及家族資產管理執行董事黃敏碩指，李寧現價息率較高，品牌走較高檔路線，相信市場會較關注品牌面對「內捲」及通縮壓力嘅處理方法。此外，亦見到集團投放資源發展電商，依家購物模式出現轉變，若李寧推出嘅新產品有吸引力，相信有條件喺電商增長方面比同業行先一步。
Michael又認為，庫存一向係傳統零售股要面對嘅問題，喺執行策略上，走高檔路線嘅李寧要更加留意庫存及「內捲」問題，以免被對手搶走市佔率，因為依家好多體育用品公司已經行多品牌路線，例如安踏體育(02020)、361度(01361)等，雖然名氣及規模唔及李寧，但庫存比率唔差，派息亦理想，業務分散上表現較好，李寧需要加把勁面對挑戰，展現龍頭應有嘅營運能力。
