【Now財經台】石藥集團(01093)去年收入按年跌7%，全年就少賺26%，但股價今日(28日)仍有得升，係咪代表市場收貨，還是呢份業績仍搵到亮點？集團指，未來會強攻海外市場，最近就喺美國設立製劑銷售公司，擔唔擔心不斷升級嘅貿易戰會影響石藥業務發展？
紅蟻資本投資總監李澤銘指，雖然石藥股價今日有得升，但最多只係重返盈警前水平，同埋冇更多壞消息出現，相比其他藥品股一直升得唔錯，其實石藥股價仍喺低位徘徊，不過，考慮到石藥估值平，未來應該都有一定反彈空間。
貿易風險方面，Alan認為唔使太擔心，因為中國一直向美國出口原料藥及中間體，加上中國在這方面佔主導地位，美國好難搵到其他替代產能。
