【Now財經台】威高股份(01066)股價今日(27日)高開後愈升愈有，半日已升超過10%，午後一度高見5.94元，收市報5.87元，大升15%，成交股數逾6700萬股，係4年半以來最多。
威高昨日出咗業績，去年僅多賺3%至逾賺20億人仔，不過，末期息大增31%至0.1235元人仔，係上市以來最多，派息比率亦由2023年嘅38%提升至47%。
威高放榜後獲3家大行唱好，其中，瑞銀將威高目標價調高至7.4元，又話公司係板塊首選股之一。
今日有大量資金追入威高，股價已收復晒全部移動平均線，暫時可先上望去年10月嘅前高位，即6.4元水平。
