【Now財經台】B仔股雲頂新耀(01952)昨日(25日)開市前出咗業績，股價喺放榜前曾破頂，衝上逾兩年半高位，但業績一出就見光死，股價就連跌兩日，繼昨日收市跌4%後，今日(26日)再大跌11%，最終以接近全日低位收市，收報54.2元。
其實雲頂新耀呢份業績交到貨，而股價都升咗好多日，雖然股價連續兩日捱沽，失守10天及20天線，MACD亦喺高位出現沽售訊號，依家50天及100天線，分別喺46元及44元，雲頂新耀股價去年累升1.3倍，今年喺出業績前亦已累升逾30%，因此，雖然落到50天線，但只係回套咗去年至今嘅升幅唔夠一半。
