【Now財經台】小米集團(01810)股價昨日(25日)受配股拖累，收市挫逾6%，如果想今日(26日)入場博反彈，應該揀邊類CALL？
中銀國際證券衍生產品部董事朱紅指，小米基本因素良好，經濟開始復甦有利小米電子產品，投資者一直睇好小米前景，所以股價昨日回調時，吸引投資者入場買正股及部署CALL輪，小米近半年喺輪場嘅吸金速度，係科技股頭3位。佢又話，可以考慮較進取嘅條款，行使價96元，槓桿約4至5倍，亦可留意行使價73.9元，今年8月到期，槓桿6倍。
朱紅續指，小米產品換股比例有10兌1及50兌1，10兌1嘅CALL槓桿較高，如果投資者對小米反彈有信心，可以揀10兌1嘅CALL，行使價73.9元嘅CALL，就係10兌1嘅選擇。
