【Now財經台】財政司司長陳茂波訪京期間，除咗出席「中國發展高層論壇」及發表演講外，今次行程其中一個重點係考察文化創意產業，因為香港喺發展文創產業有獨特優勢。
財爺到訪做知識產權(IP)生意十分成功嘅泡泡瑪特(09992)，去咗公司旗下POP LAND探「人氣王」Labubu及Molly等，又同集團管理層會面交流，了解文創類IP產品嘅「孵化」。
陳茂波喺網誌指出，一啲大受歡迎嘅IP商品，可以衍生大量商品，引發跨界別創作，由動漫、電影到音樂，玩具、主題公園以至餐飲，結合埋智能終端及網絡營銷發展，可以帶嚟龐大商機。
