【now.com財經】噚日一早揀咗隻恒指熊(64022)，上半場Slow STC(14.3)等唔到見超買就向下落咗去。等下半場摺位再出啦，條Slow STC(14.3)真係唔駛睇，完場無起過；作戰室都係先見1點20分至1點35分唔過五分鐘圖中軸，Lock住線等多次至2點時見五分鐘圖被10線都唔過而偷位出淡倉，只不過係無諗住呢一注可以淡到底。
不過我自己噚日3點半前已經全數青晒貨，皆因獲得段潔前輩嘅邀請，錄咗一個半個鐘嘅電台節目，今日稍後時間將會喺港台播出。感謝段前輩嘅邀請。
今朝恒指未完U之前，先同戰友們睇咗個牛熊證街貨圖，見今日24,000至24,099點嘅牛證儲到成1,300幾張期指街貨，嘩！企到咁近咁有信心呀！而今朝恒指低開110點，開市報24109點。
甫開市指數已經向下落至低位24,021點，變相嗰層重牛死剩得返10隻，望望堆貨唔係有好多街貨喺度，即係最大lot嘅都可能已經清咗。是但啦，反正如果佢再向下殺的話，都仲有23700至23799點呢層嘅過1300幾張期指街貨。
未到10點不過作戰室都開始出淡倉博指數向下落殺牛證街貨同時，Keep住借緊10線同保歷加底線向下落，但有個少少嘅關卡係指數底線會喺小時圖50線出「十字/陀螺」+Slow STC914.3)觸底上；還是保歷加通道口拓闊比位指數向下落，迫埋Slow STC(14.3)出超賣再超賣呢?!
10點後有答案，指數借到小時圖50線出「陀螺」，Slow STC(14.3)亦有見觸底向上，技術上呢個樣係出好倉嘅，恒指牛(57259)，收回價23688點，同現價有約430點距離，槓桿有約43.9倍，收回價低過小時圖100線+高槓桿夠玩Day Trade。
文都未到就見返指數向下壓返住條小時圖50線，不如比定隻恒指熊(57952)，收回價24650點，同現價有約440點距離，槓桿都有約46.6倍架，到你睇完文之後，指數擺高於/低於50線嘅話，咁都有貨出到去先啦！
希望呢一注可以「看得見、摸得到」，最好就更係食得到啦！
作者阿珊，以技術分析專心玩輪證，唔貪心，努力賺取我家肥貓罐罐。
想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar
