【now.com財經】噚日本來朝早揀定咗隻淡倉出嚟，博指數喺小時圖上向下踩返住條10線，嗱！無話要佢完全破壞個走勢，只係踩一踩條10線啫，佢都仲係喺保歷加頂線同10線之間運行嘅。
不過，到噚日上晝Patreon出完文之後再睇返個市，都已經向下落咗一浸，作戰室班友仔啲淡倉都食完走人。於是喺【下半Part】反手揀隻恒指牛(56547)出嚟，用返最基本嘅方法去爬下格仔。
以噚日【下半Part】Patreon出文時間為1點29分，如常的用0分鐘去睇文，即於1點39分再睇返個走勢圖的話，喺五鐘圖上見Slow STC(14.3)有向住超賣方向走，及至1點55分已經到兩線落到超賣位，再等到2點5分開始喺超賣位觸底上，有得上先有得Swing，咁(56547)先有得落場。
同以10分鐘作為買貨時間的話，期內(54547)高低位做過0.08元/0.076元，平均買入價為0.078元。
借Slow STC(14.3)做一次Swing出好倉即係等返個五分鐘圖嘅Slow STC(14.3)上返去超買就可以啦。等到3點鐘，開始見到Slow STC(14.3)入超買位，%K線到咗嘅，係爭條%D線未到，但可惜兩線未見一齊入，唯有再等。
少少心急架，因為唔Hold過夜嘅話得返一個鐘唔夠嘅時間去搵位甩貨走人。還好等到3點35分，終於見Slow STC(14.3)兩線上到80以上嘅超買範圍，時間唔多，達標走人。
一樣用返10分鐘時間去走貨嘅話，按期內高低位做過0.082元/0.078元，平均走貨價為0.08元，呢一趟玩成個幾鐘得兩格或或2.56%，我當自己執身彩，因為指數噚日其實係行得好慢同無乜波幅。
都話嚴守策略好重要，如果嫌噚日嗰兩格咁少而無食到嘅話，帶到過嚟今日反輸廿格都似。今朝完U開市唔係跌好多，不過作戰室都照順U盤方向出淡倉掟過去。本來目標只係小時圖10線，估唔到10點都未到貪心20線都做到出嚟，開市後掟出嘅淡倉仲未清，大家都出住風箏策略，就係等小時圖20線確認穿，甚至補埋星期二(3月18日)嗰上升裂口(裂口底=17號嘅高位24,352點)。10點未到，佢補咗啦，作戰室嘅淡倉都亦都四散啦。
依家10點8分，指數低走穿過24400點之後火速向上反抽成百幾點，不過仍然見到小時圖條中軸線無咗之後有似變成阻力線。
恒指熊(64022)，收回價25,050點，企上去啲轉字頭位感覺安全啲，40.1倍槓桿都夠做Day Trade。不過唔預呢一注淡倉會好似今朝落得咁快，反正日線個裂口都補咗，不如又試下用個小時圖借中軸做上方量度線，Slow STC(14.3)方向向下。
Lock 10線做上方量度線；或者可以到你睇完文嘅侯，佢都真係會破返20線到10線，咁就換成借10線唔過而出淡倉。
甚至，五分鐘圖Slow STC(14.3)依家觸底上緊嘛，到你睇完時又睇返個五分鐘圖條Slow STC(14.3)到頂向下未囉。
作者阿珊，以技術分析專心玩輪證，唔貪心，努力賺取我家肥貓罐罐。
想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar
