【Now財經台】早前，市場憧憬俄烏停火，帶動美股反彈，中資股更跑贏美股，美股係咪要繼續調整？投資者係咪可以繼續睇好港股？
「股市漁夫」創辦人莊志雄指，最近美股反彈，其中，中資股表現唔錯，甚至A股都做得好過美股，呢幾日炒憧憬俄烏停火，CSI中國互聯網指數升6%，滬深300指數升逾2%，都高過標指及納指，美股市寬要跌至2023年低位約20%，才會觸發較強勁嘅超買反彈，否則，彈幾日又跌過。佢續指，港股走勢唔錯，愈嚟愈多股份升穿長期平均線150天線，亦有超過一半股份企喺150天線以上。
Lewis又話，港股市寬向上，代表愈嚟愈多落後股會追上嚟，例如阿里巴巴(09988)1月底至今持續強勢，但佢建議，就算落後股有得升，都唔係選股嘅首選。
