【Now財經台】中國平安(02318)過兩日就會出業績，股價今早(17日)升穿50元關口，升上約3個月高位，最新升逾2%，報50.25元，如果睇好平保股價可以上試更高水平，揀牛證還是CALL輪比較好？但做業績前部署係咪要小心縮窩風險？
滙豐亞太區財富管理香港上市產品銷售經理盧貴良指，平保股價上周五(14日)表現唔錯，主要係市場憧憬消費政策會利好股市，投資者見升穿50元心理關口，所以今朝都有揀一啲價外CALL，部署好倉，成交較活耀嘅條款，行使價67元嘅CALL，今年7月到期，實際槓桿約8倍。佢又提醒，平保業績出爐後，到時引伸波幅回落，都可以考慮牛證。
