【Now財經台】內蒙古呼和浩特市衛健委網站發布當地生育補貼細則，鼓勵生育，其中，最高單孩補貼可達10萬人仔。有大行指，政策超預期，又估計短期內會有更多地方政府跟進，利好嬰幼兒配方奶粉行業。今日升得最靚嘅育兒相關股係中國飛鶴(06186)及錦欣生殖(01951)，如果想炒相關憧憬應該點揀股？
王道資本及家族資產管理執行董事黃敏碩解釋，呢啲受惠股今日大升主要係之前已落後咗一段時間，依家市場覺得要調整相關股份嘅估值，不過，呢類股份對內要小心消費力度不足問題，對外就要留意競爭及政策問題。
Michael又話，雖然鼓勵生育政策消息可以推動資金入市，但要注意韌性方面配唔配合到，加上每隻股份都有自己嘅特性，揀股時必須注意風險。
