【股市脈搏】成功「止血」有錢賺 維亞生物爆升

【Now財經台】發盈喜嘅維亞生物(01873)，股價今日(14日)大幅高開近12%後，其後升幅擴大，曾升至2023年8月以來高位，中午前成交金額約2000萬元。

過去兩年都蝕錢嘅維亞生物，去年終於扭虧為盈，賺最多1.8億人仔，原因係核心嘅CRO業務喺下半年恢復增長，加上營運效率提升，再加埋投資收益令業績好轉。

維亞生物股價今年已累升90%，不過，如果睇返長期走勢，其實股價仍然喺歷史低位。